აკაკი წილოსანი პრეზენტაციისას

სალომე ვადაჭკორია გრაფტების პრეპარირების დემონსტრირებისას

აკაკი წილოსანი (საქართველო), მელიკე კულახჩი (თურქეთი) და ბრედი ვულფი (აშშ)

აკაკი წილოსანი (საქართველო) და მარსელო პიტჩონი (ბრაზილია)

აკაკი წილოსანი (საქართველო) და ჯერი ვონგი (კანადა)

სალომე ვადაჭკორია და თმის ტრანსპლანტოლოგთა საერთაშორისო საზოგადოების მიერ დაჯილდოვებილი, 2011 წლის გამორჩეული ასისტენტი კეტრინ მორგანი

2011 წლის 14-18 სექტემბერს ალიასკაზე ქ. ანკორიჯში ჩატარდა თმის აღდგენითი ქირურგიის საერთაშორისო საზოგადოების (ISHRS) 19-ე ყრილობა. საქართველოს კონგრესზე წარმოადგენდა “თალიზის” დელეგაცია მისი დირექტორის - აკაკი წილოსანისა და კლინიკის სასწავლო პროგრამების მენეჯერის - სალომე ვადაჭკორიას სახით.

ყრილობაზე მსოფლიოს სხვადასხვა ქვეყნიდან ჩამოსულმა 450 დელეგატმა 4 დღის განმავლობაში მოისმინა 150-ზე მეტი მოხსენება თმის ტრანსპლანტოლოგიის აქტუალურ საკითხებზე. “თალიზის” დირეqტორის - აკაკი წილოსანის პრეზენტაცია მიეძღვნა ფართომასშტაბიანი ოპერაციების (გიგასესიების) ჩატარების ექვსწლიანი გამოცდილების ანალიზს. კოლეგებისთვის უაღრესად საინტერესო იყო მოესმინათ როგორ ახერხებს “თალიზი” ჩაატაროს გიგასესიები 4-5 სთ-ში და როგორ გადაიჭრა ჩვენს კლინიკაში მათი წარმატებით ჩატარებისთვის ისეთი ხელშემშლელი პრობლემა როგორიცაა სკალპის სუსტი ელასტიურობა. როგორც 2 წლის წინათ ამსტერდამში, ისე ახლაც, გიგასესიებისადმი განკუთვნილ ბლოკში აკაკი წილოსანთან ერთად გამოდიოდნენ გიგასესიების პიონერი ჯერი ვონგი - კანადიდან, არტურ ტიკოsინსკი - ბრაზილიიდან და შერონ კეენი - აშშ-დან. სხვათაშორის 2011 წლის “ოქროს ფოლიკული” ISHRS ხელმძღვანელობამ სწორედ ჯერი ვონგს გადასცა. ეს იყო ჯერი ვონგის და მისი პარტნიორის ვიქტორ ჰასონის გიგასესიების დანერგვისთვის გაწეული მრავალწლიანი დაუღალავი შრომის აღიარება.

“თალიზის” დირექტორის - აკაკი წილოსანისა და ჯერი ვონგის პირველი შეხვედრა შედგა 2008 წელს ქ. მონრეალში გამართულ ISHRS კონგრესზე. შემდეგში სხვადასხვა სიმპოზიუმებზე ხშირი შეხვედრების შედეგად ეს ნაცნობობა გადაიზარდა თბილ მეგობრულ ურთიერთობებში. ამას ხელს უწყობდა ისიც რომ ორივე თმის ტრანსპლანტოლოგი სპეციალიზირდება მასშტაბურ ოპერაციებში და მათ უსიტყვოდ ესმით ერთმანეთის: “როდესაც 2000 გრაფტის გადანერგვა გვაქვს ეს დასვენების დღესავითააო” - ხუმრობს ხოლმე ჯერი ვონგი. “თალიზშიც” ასეთი მასშტაბის ოპერაციებს ოპერაციებად არ თვლიან.

აღსანიშნავია ჩვენი სასწავლო პროგრამების მენეჯერის - სალომე ვადაჭკორიას მუშაობა ქირურგთა ასისტენტთა “ვორკშოპზე”, სადაც ის მსოფლიოს სხვა მოწინავე ასისტენტებთან ერთად ახდენდა გრაფტების პრეპარირების მეთოდების დემონსტრაციას როგორც დაინტერესებული სტუდენტებისთვის, ისე გამოცდილი ასისტენტებისთვის.

ალიასკაზე ჩატარებული კონგრესის მთავარ ინტრიგას წარმოადგენდა ფირმა ARTAS-ის მიერ შექმნილი თმის გადანერგვის პირველი რობოტიზირებული სისტემის პრეზენტაცია. აღნიშნულმა რობოტმა, რომელიც ცნობილი ამერიკელი თმის ტრანსპლანტოლოგის - ჯიმ ჰარისის მონაწილეობით შეიქმნა, საყოველთაო ინტერესი დაიმსახურა. თუმცა თამამად შეიძლება ითქვას რომ ARTAS - ის სისტემა თმის ტრანსპლანტაციის ურთულესი პროცედურის მხოლოდ მცირე ნაწილს - მონიტორზე ექიმის მიერ მონიშნული ფოლიკულური გაერთიანებების ჩაჭერას და ინციზიას აკეთებს და სრულფასოვანი რობოტის შექმნის გზაზე ეს მხოლოდ პირველი ნაბიჯია.

ალიასკაზე “თალიზის” დელეგაციასა და ISHRS-ის აღმასრულებელ დირექტორს - ვიქტორია სეის შორის შედგა წინასწარი მოლაპარაკება 2013 წელს თმის აღდგენითი ქირურგიის საერთაშორისო საზოგადოების რეგიონალური კონგრესის საქართველოში ჩატარების შესახებ.

ISHRS-ის შემდეგი ყრილობა გაიმართება 2012 წლის 17-21 ოქტომბერს ბაჰამის კუნძულებზე.

ფირმა ”ARTAS”-ის რობოტთან	სალომე ვადაჩკორია და ISHRS-ის აღმასრულებელი დირექტორი ვიქტორია სეი

უახლოესი კურსი თმის ტრანსპლანტოლოგიაში დანიშნულია 2012 წლის 22-24 ივლისს

ამა წლის 28-30 ივნისს, კლინიკა თალიზის გუნდი ესთეტიკური მედიცინის ამერიკული აკადემიის მიერ მიწვეულ იქნა თმის ტრანსპლანტაციის სასწავლო კურსისა და საჩვენებელი ოპერაციების ჩასატარებლად ქალაქ დუბაიში (არაბეთის გაერთიანებული საემიროები).

თალიზის დელეგაცია შედგებოდა ოთხი წარმომადგენლისაგან: კლინიკის დირექტორი, თმის ტრანსპლანტოლოგი - აკაკი წილოსანი, ტრენინგ პროგრამების მენეჯერი, ექიმი - ელისო მშვენიერაძე, ქირურგის ასისტენტი და ასისტენტთა სასწავლო პროგრამების ხელმძღვანელი - სალომე ვადაჭკორია და უფროსი მედდა - თამარ ბრეგვაძე.

ესთეტიკური მედიცინის ამერიკული აკადემია არის საერთაშორისო საზოგადოება, რომელიც მოიცავს 20 წევრ საზოგადოებას და ყოველწლიურად მასპინძლობს მრავლობით კონგრესებს, კონფერენციებსა და სასწავლო პროგრამებს მსოფლიოს სხვადასხვა ქვეყნებში ადგილობრივი ექიმებისა და ასისტენტებისათვის.

ამერიკული აკადემიის მიზანია მოახდინოს ესთეტიკური მედიცინის სხვადასხვა დარგში უახლესი მეთოდებისა და წამყვანი კლინიკების მიერ დანერგილი სიახლეებისა და მიღწევების სწავლება და გაზიარება მსოფლიოს სხვადასხვა კუთხეში მოღვაწე ექიმებისა და ასისტენტებისატვის, მათთვის ვისაც სურვილი აქვს დახვეწოს მოძველებული მეთოდები და შეისწავლოს უახლესი მიღწევები ესთეტიკური მედიცინისა მსოფლიოს სხვადასხვა ქვეყნებიდან მოწვეული, სხვადასხვა დარგში მოღვაწე წამყვანი სპეციალისტებისგან.

პირველად ამერიკული აკადემიის წარმომადგენლები გაეცნენ კლინიკა თალიზის გუნდს და მის საქმიანობას თმის ტრანსპლანტოლოგთა საერთაშორისო საზოგადოების ყოველწლიურ, რიგით მე-18 კონფერენციაზე 2010 წელს, რომელიც ჩატარდა ქალაქ ბოსტონში და რომელსაც ესწრებოდნენ კლინიკა თალიზის წარმომადგენლები, თმის ტრანსპლანტოლოგები აკაკი წილოსანი, ვაჟა ვადაჭკორია და ქირურგის ასისტენტი სალომე ვადაჭკორია. თალიზის გუნდი წლებია აქტიურად მონაწილებს თმის ტრანსპლანტოლოგთა საერთაშორისო საზოგადოების კონგრესებში, ჩვენი გუნდის გაცნობაც ამერიკული ესთეტიკური მედიცინის აკადემიის მიერ განაპირობა აკაკი წილოსანის და სალომე ვადაჭკორიას მოხსენებებმა კონგრესზე, სადაც განიხილებოდა უახლესი მეთოდები და მიმდინარეობები თმის ტრანსპლანტოლოგიაში, ასევე სასწავლო პროგრამა რომელიც წლებია დანერგილია კლინიკა თალიზში დამწყები ექიმებისა და ექიმის ასისტენტებისათვის და უკვე მიითვლის მრავალ კურსდამთავრებულ ექიმს და ექიმის ასისტენტს მსოფლიოს სხვადასხვა ქვეყნებიდან.

პირველად კლინიკა თალიზის მოღვაწეობით ესთეტიკური მედიცინის ამერიკული აკადემიის წარმომადგენელი ჯესიკა მოკი დაინტერესდა, რომელიც ესწრებოდა თმის ტრანსპლანტოოლოგთა საერთაშორისო საზოგადოების კონგრესს ბოსტონში, რის შემდეგაც ამერიკული აკადემიის პრეზიდენტმა მაიკლ დელუნმა გადაწყვიტა თალიზის გუნდის მიეწვევა სასწავლო პროგრამის ჩასატარებლად თმის ტრანსპლანტოლოგიაში.

თალიზის გუნდი მიწვეულ იქნა სამდღიანი სასწავლო კურსის ჩასატარებლად ქალაქ დუბაიში, რომელსაც ესწრებოდნენ ექიმები და ასისტენტები ირანიდან, ინდოეთიდან და საუდის არაბეთიდან. სასწავლო პროგრამა მოიცავდა ისევე როგორც თეორიულ, ასევე პრექტიკულ ნაწილს, პროგრამა განკუთვნილი იყო ექიმებისა და ექიმის ასისტენტებისათვის, კურსს ექიმებისათვის წარუძღვა აკაკი წილოსანი, ხოლო სასწავლო კურსი ასისტენტებისათვის ჩატარდა სალომე ვადაჭკორიას მიერ, ასევე ჩატარდა 5 საჩვენებელი ოპერაცია, დემონსტრირებულ იქნა როგორც ზონრის, ისე ფოლიკულური ექსტრაქციის (FUE) მეთოდები.

ტრენინგ პროგრამა ძალიან წარმატებული აღმოჩნდა. დამსწრე ექიმები და ასისტენტები კმაყოფილებას ვერ მალავდნენ. თალიზის გუნდის მუშაობით მოხიბლულმა ამერიკული აკადემიის სასწავლო პროგრამების დირექტორმა შუა აღმოსავლეთში, აშოკ ჩატურვედიმ გადაწყვიტა საკუთარი თმის ცვენის პრობლემების თალიზში მოგვარება და ის მეუღლესთან ერთად ესტუმრება კლინიკა თალიზს ამა წლის 30 აგვისტოს. ხოლო ესთეტიკური მედიცინის ამერიკული აკადემიის პრეზიდენტმა მაიკლ დელუნმა თალიზის ხელმძღვანელს აკაკი წილოსანს შესთავაზა ანალოგიური კურსების ორგანიზება სამხრეთ-აღმოსავლეთ აზიასა და ავსტრალიაში.

სერთიფიკატების გადაცემა	სერთიფიკატების გადაცემა

2011 წლის 24-26 ივნისს ქ. ბანკოკში ჩატარდა აზიის თმის აღდგენითი ქირურგიული ასოციაციის (Asian Association of Hair Restoration Surgery – AAHRS) I ყრილობა. კონგრესს ესწრებოდა 100-ზე მეტი დელეგატი როგორც აზიის ქვეყნებიდან, ასევე აშშ-დან, კანადიდან, ავსტრალიიდან და ეგვიპტედან. ყრილობაზე საქართველოს წარმოადგენდა ”თალიზის” დირექტორი აკაკი წილოსანი, როგორც მიწვეული სპიკერი.

აზიის თმის აღდგენითი ქირურგიული ასოციაცია დაარსდა შარშან ქ. ბანკოკში ცნობილი ტაილანდელი თმის ტრანსპლანტოლოგის დამკერნგ პატომვანიჩის თაოსნობით. აკაკი წილოსანი ერთ-ერთი პირველი გახდა ამ ასოციაციის წევრი, ვინაიდან ”თალიზის” პაციენტების დიდი ნაწილი აზიიდან, ძირითადში კორეიდან და ყაზახეთიდანაა და ჩვენთვის ძალიან მნიშვნელოვანია აზიურ ეთნიკურ ჯგუფებზე მომუშავე ექიმების გამოცდილების გაზიარება. და რა თქმა უნდა უკანასკნელი როლი ამაში ითამაშა ა. წილოსანისა და ასოციაციის დამაარსებლის და პირველი პრეზიდენტის დ. პატომვანიჩის მეგობრულმა ურთიერთობებმა.

ყრილობაზე მოსმენილი იქნა მრავალი საინტერესო მოხსენება თმის ტრანსპლანტოლოგიის აქტუალურ საკითხებზე. მიუხედავად იმისა, რომ “თალიზის” დელეგაციები ძალიან ხშირად იღებენ მონაწილეობას მსგავს საერთაშორისო სამეცნიერო სიმპოზიუმებზე, ჩვენთვის AAHRS-ის პირველი ყრილობა მაინც აღინიშნა მრავალი სიახლით. პირველ რიგში გამოვყოფდით ცნობილი ინდოელი თმის ტრანსპლანტოლოგის სანჯივ ვასას მოხსენებას თმის ხაზის დიზაინის ორიგინალური მეთოდის შესახებ.

აკაკი წილოსანის როგორც მიწვეული სპიკერის მოხსენებები მიეძღვნა ზონრის ექსციზიის “თალიზისეულ” ვერსიასა და გადანერგილი თმების სუსტი ზრდის პრობლემას. დისკუსიაში სუსტი ზრდის შესახებ აკაკი წილოსანთან ერთად მონაწილეობდნენ ჯერი ვონგი (კანადა), ჯენიფერ მარტინიკი (ავსტრალია), ჯონ კოლი (აშშ), დამკერნგ პატომვანიჩი (ტაილანდი).

ჩვენთვის განსაკუთრებით სასიხარულო იყო ყრილობაზე ტაილანდელ და სინგაპურელ ექიმებთან ცუნ ჰანთან (ტაივანი) და სტივენ ანგთან (სინგაპური)შეხვედრა, რომლებმაც თმის ტრანსპლანტოლოგიაში სტაჟირება გაიარეს “თალიზში”.

ყრილობაზე გადაწყდა ასოციაციის მორიგი შეხვედრა გამართულიყო სეულში (სამხ.კორეა) მომავალი წლის აპრილში. ასოციაციის მეორე პრეზიდენტად არჩეული იქნა ტომი ჰვანი.

აკაკი წილოსანი და მელიკე კულახჩი

აკაკი წილოსანი და პიერო ტესაურო

აკაკი წილოსანი და რობერტ ჰაბერი

2011 წლის 13-15 მაისს ქ. სტამბულში ჩატარდა თმის აღდგენითი ქირურგიის საერთაშორისო საზოგადოების (ISHRS) რეგიონალური კონგრესი, რომელსაც მასპინძლობდა ცნობილი თურქი თმის ტრანსპლანტოლოგი მელიკე კულახჩი. კონგრესი ეძღვნებოდა უახლეს გამოკვლევებს თმის ბიოლოგიასა და ტრანსპლანტოლოგიაში (ხელოვნური თმის ფოლიკულის შექმნის თანამედროვე და მომავალი მიმდინარეობები; თიმუსის პეპტიდების როლი თმის ზრდაზე; ექსტრაცელულარული მატრიქსის, A – უჯრედების, თრომბოციტებით მდიდარი პლაზმის გამოყენება თმის ტრანსპლანტოლოგიაში და სხვ), მაგრამ მთავარი აქცენტი კონგრესზე გაკეთდა FUE მეთოდზე. სწორედ ამით იყო განპირობებული ჩვენი განსაკუთრებული ინტერესი ამ ღონისძიებისადმი.

“თალიზი” 2003 წლიდან იყენებს FUE ტექნიკას. ბოლო წლებში ამ მეთოდით ნაოპერაციებ პაციენტთა რიცხვმა “თალიზში” 30%-ს მიაღწია (მელიკე კულახჩის განცხადებით მის კლინიკაში, “ტრანსმედში”, FUE თმის გადანერგვები ოპერაციების 70%-ს შეადგენს). “თალიზის” დირექტორს, აკაკი წილოსანს სურდა საკუთარი თვალით ენახა როგორ მუშაობდნენ თურქეთის წამყვანი კლინიკის ექიმები. უნდა აღინიშნოს, რომ “ტრანსმედის” ქირურგებმა შესანიშნავად ჩაატარეს FUE პროცედურები. ილკე აპაიდინმა 3 საათის განმავლობაში განახორციელა 2600 გრაფტის ექსტრაქცია მინიმალური ტრანსექციით, რაც საკმაოდ მაღალ სიჩქარედ ითვლება თმის ტრანსპლანტოლოგიაში. ჩვენთვის სასიამოვნო იყო აღგვენიშნა ბევრი მსგავსება “თალიზისა” და “ტრანსმედის” მუშაობაში. Gგარდა გრაფტების ექსტრაქციის მაღალი სიჩქარისა, ეს ეხება უპირველეს ყოვლისა მჭრელი და პატარა დიამეტრის (0,8-0,9 მმ) ტროაკარების გამოყენებას და ექსტრაქტირებული გრაფტების მიკროსკოპულ დამუშავებას.

სამწუხარიდ ბოლო დროს თურქეთში მომრავლდა FUE მეთოდით მომუშავე საეჭვო რეპუტაციის კლინიკები, რომლებიც ცდილობენ პაციენტები მიიზიდონ დაბალი ფასებით. ზოგი ასეთი კლინიკა გახსნილია ექთნების მიერ და სერიოზულ საფრთხეს წარმოადგენს როგორც პაციენტებისათვის, ისე მთლიანად თმის ტრანსპლანტაციის, როგორც მედიცინის დარგისთვის რეგიონში. Aამ პრობლემას არაერთხელ შეხებია მელიკე კულახჩი ოფიციალურ გამოსვლებსა თუ პირად საუბრებში.

“თალიზის” დირექტორის აკაკი წილოსანისა და “ტრანსმედის” დამაარსებლის, მელიკე კულახჩის მეგობრობა 2008 წლიდან ISHRS -ის სეულის კონფერენციიდან იღებს დასაბამს. ჩვენ კარგად გვესმის რაოდენ დიდი სამუშაო გასწიეს მელიკე კულახჩიმ და მისმა გუნდმა კონგრესის ორგანიზებაში და მისი წარმატებით ჩატარება ჩვენც გულწრფელად გვახარებს.

აკაკი წილოსანი და ილკე აპაიდინი		მელიკე კულახჩი (კონგრესის მასპინძელი) და ჯერი ქული (ISHRS პრეზიდენტი);